June 11, 2024 - Quezon City Local Housing Board Meeting

Dumalo sa pagpupulong ng QC Local Housing Board ang iba’t-ibang civil society organizations kabilang ang Community Organizers Multiversity (COM) at partner-community, ULAP-Doña Imelda.  

Isa sa mga naging paksa ang planong pabahay para sa mga komunidad ng Barangay Doña Imelda.  

Ayon sa Pangulo ng ULAP- Doña Imelda na si Ricky Calinaya, ang 2,610 pamilya na naninirahan dito ay walang kasiguraduhan sa paninirahan at  karamihan ay mahigit 3 dekada nang naninirahan sa nasabing lugar. Kaya’t hiling nila sa pamahalaan na mabigyan sila ng kasiguraduhan sa paninirahan,  makatao at abot-kayang pabahay.

Inatasan ni Mayor Joy Belmonte na pag-aralan ng City legal department ang best option para sa land conversion ng ULAP Doña Imelda Housing site na ihaharap sa susunod na pulong sa Agosto.