Cotabato City
29 July 2024

Nasa dalawampu't limang (25) kabataang Teduray at Lambangian ang sumailalim sa isang Sining Palihan na pinadaloy ng PETA Lingap Sining  na layong mabigyang mukha sa pamamagitan ng Himig-Artistiko, Sining, Indayog at Kuwentuhan (HASIK) ang mga isyung pangkapayapaan na kinakaharap ng mga katutubo.

Pinatingkad sa HASIK-KETINANEK ang pagtindig ng mga kabataan para sa Fusaka Inged (Lupaing Ninuno), Representasyon, Diskriminasyon at iba pang isyu na nakakaapekto sa kanila.

Ang inisyatibang ito ay naisakatuparan sa pangunguna ng Community Organizers Multiversity - CO Multiversity sa tulong ng Oxfam Pilipinas CARE Philippines at European Commission sa ilalim ng Civil society, women and youth promoting culture of peace in Mindanao, Philippines (BRIDGE) Project.

#PagbagtasSaKapayapaan
#COMultiversity